ترزيان: لو اعطينا شوية أهمية للسياسة الشبابية والرياضية

غرد النائب هاكوب ترزيان عبر “تويتر”: “بعيدا عن المناكفات العقيمة (بيي أقوى من بيك وعندك عشرة عندي مية) المسماة بالسياسة، خليني احكي عن السياسة الشبابية والرياضية. بداية، مبروك لدانيال جاد على فوزه ببطولة التنس الأوروبية عن فئة الناشئين، وشكر خاص لأهله الدكتور سامي والدكتورة ايليز على دعم الرياضة من خلال دانيال ولدهما من دون أي دعم معنوي أو مادي من الجهات المختصة.

سؤال يسأل شو هي الصعوبة لينفهم عليي صرلي سنين بردد، لو عطينا شوية أهمية وحضرنا الرياضيين الناشئين أمثال دانيال ووظفنا شوية من الموازنات على الناشئين، كنا عالأكيد بأفضل حال بالرياضة وبالوضع العام، ولو اعطينا شوية أهمية للسياسة الشبابية والرياضية أكيد كنا اليوم بدل ما نلتهي (ببيي أقوى من بيك)، كنا كلنا على الشاشات بانتظار رفع العلم اللبناني بانتصارات حقيقية ومش وهمية بعدة بطولات دولية.

وهنا، سؤال يسأل شو هني الطموحات و التحضيرات لهذه الطموحات يللي عم تقوم فيا اللجنة الأولمبية اللبنانية لأولمبياد 2024، لنقدر نرفع العلم اللبناني ونحصل على ميداليات ذهبية؟ شو ناقصنا؟ نحنا بارعين بعدة ألعاب جماعية، وخصوصا بالألعاب الفردية يللي معظم الوقت ممولة ذاتيا من اللاعب أو أهله، لو بس منتحضر من هلق بالقليلة منجيب ميداليتين أو تلات ذهبيات أو اكتر، والدرس لمن يتعظ”.