Home » لبنان, مسيحيو الشرق » الأخت مرانا سعد: تصبحون على وطن… تصبحون على الإنسانيّة

كتبت الأخت مرانا سعد على صفحتها الخاصة على فيسبوك ما حصل معها في سوبرماركت في لبنان فكتبت:

“عذرًا على اللي رح إكتبو ولكن السكوت عن الحق باطل. انصدمت أنا وبداخل السوبرماركت، وليست المرة الأولى، بداعي شراء الحليب “الحاجة الأوّليّة لنمو الإنسان” والحفاضات بإسم جمعيّة فيلوكاليّا، في حملة “أعطِ الأطفال العطف الذي يحتاجون إليه”.
وإذ!!!!!!!!! أُرفَض في مكان الدّفع بسبب عدد الحليب الآخدتو للأطفال يلي بحاجة، لأنو ممنوع آخُد أكتر من اتنين مع العلم انو شرحتلّن إنو أنا بمثّل جمعيّة وإنّن رايحين لعِيَل محتاجة…..
فَسَألت: مين المدير؟
فَجاوَب: أنا
قِلت: هيدا الحليب رايح لأطفال بحاجة، فيي إفهم شو السّبب؟
جاوب: هيدي الأوامر.
هون أنا جاوبت: نحنا لا عم نطلب منكن discount ولا شي ببلاش، إذا الحليب يلي عم تسرقوا حقو triple عم تشحدونا ياه… تصبحون على إنسانيّة!
جاوب: صمت مع إستغراب.
فتركت الchariot بأرضو، ومشيت.
أكيد انصدم من ردّة فعلي، بس تصبحون على وطن إذا شعبو عم ياكل بعضو. وإذا الإنسانيّة ما رح تكون الهدف الأول والأخير لكلّ إنسان بهالدني تصبحون على الإنسانيّة…
بختُم هالجرح بكلمة يسوع: “يا تُجّار الهيكل”. وطني وطن صلاة وأنتم تصنعون منه مغاور لصوص!!

إن إدارة موقع "سيدر نيوز" غير مسؤولة عن هذا الخبر نصاً ومضموناً، وهو لا يعبّر إلا عن وجهة نظر كاتبه أو مصدره.

Comments are closed.

Social Media Auto Publish Powered By : XYZScripts.com
WhatsApp إحصل مجاناً على "أخبار الأرز" عبر واتس آب