سكاف: ما شفنا غير المحاصصة والمحسوبيات بتعيين أعضاء الدستوري

غردت رئيسة “الكتلة الشعبية” ميريام سكاف، عبر حسابها على “تويتر”، قائلة: “دايما بيقول فخامة الرئيس إنو إذا القضاء بخير البلد بخير، بس ما شفنا غير المحاصصة والمحسوبيات بتعيين أعضاء المجلس الدستوري، وهيدا معيب ومهين للقضاء وللشعب اللبناني، للأسف كل شي بالبلد صار يخضع لمنطق الاستزلام، وبدل ما نبادر لبناء المؤسسات، عم نساهم كل يوم بتدميرها واستتباعها”.

وأردفت سكاف في تغريدة أخرى: “المفروض يتم نقل صلاحيات تعيين وانتخاب أعضاء المجلس الدستوري من مجلس النواب ومجلس الوزراء لجهة قضائية متخصصة وبعيدة عن التدخلات السياسية، لأنو هيدا الطريق الوحيد لمحاربة الفساد ولإصلاح البلد، وإلا ما في شي رح يتغير، ورح تبقى أعلى مرجعية قضائية مرتهنة لقرار وإرادة السياسيين”.