New Page 1

يا جرحي مهما دْوايات ………………….. حطّ وْلفـّـــك بالشاشات

ما مْننسى الخيّ الجُوّي ………………….. المدّ عْلينـــــا رشاّشات

ومفكّر حالــــــو هوّي ………………….. بْيمنعنا نسقي الارزات

لمّا صوتـــــــو بيقوّي ………………….. أو بيشبّر بــــــــالديات

هوّي والعـــم بيضوّي ………………….. قلبــــو الاسود بتريّات

القوّي اللي عندن هوّي ………………….. وْياما وقعــوا بالهوّات

وحتـّى لَــَو عندن قوّي ………………….. وَيننـّي مِــــــــن قوّتنا

وْنحنا فـــي عنـّا قوّات ………………….. زهـــرا وْحرب بْعينيّي

وْبعيون الكــــــــــل سْويّة ………………….. لايحتن شـــــرقط نورا

ورح تنزل “زي ما هيّي” ………………….. وهالارزة اللي مكسورة

غـْصونا وْصارت بالفيّي ………………….. غصونا بْترجع مجبورة

وشلوشــــــــا بْتشبع ميّي ………………….. وْضبّاط الحفروا جورة

وقعــــــوا بْذات الحفريّة ………………….. مش جايين مْـنِ دْيورة

وْلا مْدارس رهبــــــانيّة ………………….. هَوْ جايين مْنِ قـْصورا

استلموها مْـــــنِ البعثـيّة ………………….. وْمِن محكِمة المشكورة

إخدوا فرصـــــة رسميّة ………………….. طلعوا مْنِ الحبْس نـْمورا

فكرن ملكــــــوا الحرّيّة ………………….. وْلو مهما ندروا نـْدورا

تهمتهـــــــــن هيّي هيّي ………………….. وْلمّا “نغيّر بالصــورة”

منطلــّع أربــــع ضبّاط ………………….. مْنرجــــع منفوّت ميّي

شاركناهــــن بمشاوير ………………….. بالتسعينـــــات وْتزمير

وعدونــــا بيإشيا كْتير ………………….. بْإصــلاح وْتغيير كبير

عرفنا بعْد العم بيصير ………………….. والوَعْدْ اللي عم بيطير

إصلاحُن بدّو إصلاح ………………….. وْتغييرن بـــــدّو تغيير

البترون يا زهرا في عندا كْتير ذوق ………………….. وبيضــــلّ عندا للزهَرْ والعطْرْ شوق

أرض الفيــــــا رفقا وحرديني كمان ………………….. مـــا بْيقدر الشيطان حَولا يْـلفّ طوق

رح يرجع اللي كان عا نفس المكان ………………….. وْلَو كان بيوجّو وِقِف شي ألف جوْقْ

فـــــــــي مزهريّة ناطرة بالبرلمان ………………….. الا بزهرة مــــــــــا بترضى تنزرع

انشالله عليهــــا بْترجَعْ وْعنقك لفوق ………………….. يــــــا ضيعتي رح إحلف بْإسمِك يمين

رح ضل طولْ العمر عا ترابك أمين ………………….. وْإصرخ مَعِك يـــا ربّ تحمي هالتنين

قوّاتنــــــــا وْجعجع، كتائبنـــا وْأمين ………………….. ما كلّ عِمْرا كفرعبيدا عينتين

وْعــــــــــــامخدّة الببّو تنـَينن نايمين ………………….. ما كلّ عمرا كْفرعبيدا ريّتين

لــَوْ مــا الهوا الفيهن ما كنـّا عايشين ………………….. كلّ عمـــــــرا كْفرعبيدا إيدتين

بكفوفــــــن الارزِة وْعلمهــا حاملين ………………….. ما كلّ عمرا كْفرعبيدا جانحين

القوات فيها جانـــــح بْيحمي الشمال ………………….. وْفيها الكتائب جانح بْيحمي اليمين

لــَوْ في شـــي قوّة بْتقدر تـْرجّع بشير ………………….. كان بيجي وْبيقولْ “ما تخافوا المصير

بَعدا عْيوني عَـــــــم تغط وْعـم تطير ………………….. وتا اعرِف بْلبنان شــو اللي عم يْصير

تـْنِقوَزت من باب السما، شفت العَلَم ………………….. عالــــــــي لأنـّو بْكفّ إيدَك يا سمير”

قالــــــــــــوا أدار الغدّار ………………….. أيّار عْلى أغدر صار

وتمانـــــــــي أدار انهار ………………….. ونقـّى مِـن ايّار نـْهار

وبسبعة حْزيران، اختار ………………….. يــــــا أربعتعِش أدار

يا بتحكم عـا حالك ظِلْم ْ………………….. وْبتنقــّي سبعــة أيّار

رئيس مجلس الشعراء

أنيس زبيدي